Politik Konfidansyalite

Dènye mizajou : 21/10/2025

Entwodiksyon

Nan Edelèv, konfyans nan kominote nou an se pi gwo priyorite nou. Se poutèt sa nou pran angajman pou n pwoteje lavi prive w ak done pèsonèl ou. Politik sa a esplike ak tout transparans kijan nou ranmase, itilize, estoke, epi pwoteje enfòmasyon w lè w ap sèvi ak platfòm edikatif nou an.

Enfòmasyon nou ranmase

Enfòmasyon enskripsyon

  • Non itilizatè ak non konplè

  • Adrès imèl

  • Modpas (ankripté)

  • Estati (elèv oswa pwofesè)

Kontni itilizatè yo kreye

  • Kesyon ou poze

  • Repons ou bay

  • Kòmantè ak entèraksyon

  • Foto pwofil (opsyonèl)

Done itilizasyon

  • Adrès IP ak enfòmasyon koneksyon

  • Tip navigatè ak sistèm operasyon

  • Paj ou vizite ak tan ou pase sou platfòm nan

  • Entèraksyon ak kontni

Kijan nou itilize done w yo

  • Pou n ofri epi amelyore sèvis edikatif nou yo

  • Pou n pèsonalize eksperyans aprantisaj ou

  • Pou n fasilite echanj ant elèv ak pwofesè

  • Pou n kenbe sekirite epi evite abi

  • Pou n voye notifikasyon enpòtan

  • Pou n analize itilizasyon epi amelyore platfòm nan

Pataj done w yo

Nou pa janm vann done pèsonèl ou. Nou ka pataje enfòmasyon w sèlman nan ka sa yo :

  • Avèk konsantman w yon fason klè

  • Pou respekte lwa oswa obligasyon legal

  • Avèk founisè sèvis ki gen konfyans (tankou sèvis hosting oswa analiz)

  • Si ta gen fizyon oswa akizisyon konpayi

Pataj ak Redireksyon

Edelèv fè pati ekosistèm Oukaap la. Lè ou klike sou yon lyen ki mennen nan Oukaap oswa paj rezo sosyal li yo, enfòmasyon yo kolekte a trete dapre règleman sou enfòmasyon prive Oukaap la. Edelèv pa gen okenn kontwòl sou done sa yo yon fwa yo fin transfere yo sou sit ekstèn sa yo.

Sekirite done w yo

Nou mete an plas yon seri mezi sekirite teknik ak òganizasyonèl pou pwoteje done w :

  • Ankriptaj done sansib yo

  • Aksè limite sou done pèsonèl

  • Swivi kontinyèl sou sistèm yo

  • Sovgad regilye e sekirize

Dwa ou genyen

Ou gen dwa sa yo sou done pèsonèl ou :

Dwa aksè

Wè done nou kenbe sou ou

Dwa koreksyon

Korije oswa mete ajou enfòmasyon w

Dwa pou efase

Mande pou efase done w

Dwa pòtablite

Resevwa done w nan yon fòm ki fasil pou li

Cookies (Kouki) ak lòt teknoloji menm jan an

Nou itilize cookies pou amelyore eksperyans ou :

  • Cookies esansyèl : Pou fonksyònman sit la

  • Cookies pèfòmans : Pou analize itilizasyon sit la

  • Cookies preferans : Pou sonje chwa w yo

Kesyon sou politik sa a ?

Si w gen kesyon sou politik konfidansyalite sa a oswa si w vle egzèse dwa w yo, kontakte nou :

Imèl : asistans@edelev.com
Adrès : Edelèv, Wanament, Ayiti

Nòt : Dokiman sa a se yon esplikasyon klè e senp sou règ Edelèv yo. Pou vèsyon legal konplè ki sèvi kòm referans ofisyèl la, tanpri konsilte vèsyon nan lang Fransè a.